18ve Conferentia International
del Union Mundial pro Interlingua

le 25 de julio ~ 1 de augusto 2009  |  Benvenite a Germania!

Iste pagina va esser sempre actualisate con le novas le plus recente super le conferentia. INVITATION Le UMI invita omne membros e lor familias al 18ve Conferentia International de Interlingua in le citate german Kirchheimbolanden, vicin a Frankfurt am Main, le 25 de julio al 1 de augusto 2009. LE NOVAS LE PLUS RECENTE Un pagina super conferentia in brochure official Salutation del urbe Kirchheimbolanden Panorama publica toto super le conferentia Union German pro Interlingua fundate Invia un salute al conferentia de interlingua Va con le "Interlingua-Express" al conferentia Un mense extra pro inscriber se al conferentia Conferentia international de interlingua in Germania in julio 2009 Scheda de inscription pro le conferentia Urbe conferential in interlingua Tote vias va a "Kibo" Le programma in grande lineas KIRCHHEIMBOLANDEN, LE CITATE CONFERENTIAL Kirchheimbolanden es un parve urbe con circa 8.400 habitantes, situate circa al medietate inter le centro technologic Kaiserslautern e le urbe universitari Mainz, directemente al "Strata Imperial" (Kaiserstraße) de Napoleon. Le connexiones traffical es optimal. Il essera facile attinger le urbe per avion, traino o auto. Kirchheimbolanden ha un centro medieval e assi es plen de historia. Inter plure visitatores famose esseva le compositor Wolfgang Amadeus Mozart, qui sonava in 1778 le organo in le ecclesia. Le castello ancian es situate al montania Donnersberg, 687 metros alte. Lege plus (in interlingua, germano, anglese e francese) del urbe in www.kirchheimbolanden.de SCHEDA DE INSCRIPTION Si tosto como possibile, ma ante le 1 de maio 2009, le participantes debe 1. plenar e signar le scheda de inscription sur papiro e inviar lo a: Union Mundial pro Interlingua Casa de Interlingua Le secretario general Sven Frank Hauptstraße 99 D-69469 Weinheim Germania 2. pagar le deposito de 60 euros per persona al conto del UMI: Conto de banca: Numero IBAN: FI18 1820 3000 0163 29. Numero SWIFT: NDEAFIHH. Le resto del pagamento de participation debe esser pagate ante le 1 de junio 2009; un rememoration va esser inviate a omnes qui se inscribe. – Le deposito non es retornate, si on non participa.

LE VIA A KIRCHHEIMBOLANDEN Danmark: A7 Direction Hamburg, Hannover, Frankfurt usque a Bad Herfeld. Ibi al A5 direction Frankfurt. In Frankfurt direction de Mainz A63 direction Kaiserslautern. Exito no. 11: Kirchheimbolanden Nederland: De Venlo direction a Köln/ Bonn/ Koblenz (A61) usque al Mainz. De Mainz A63 direction Kaiserslautern. Exito no. 11: Kirchheimbolanden Belgia: A60/A62 direction a Kaiserslautern usque a Kaiserslautern. Post Kaiserslautern A63 direction a Mainz. Exito no. 11: Kirchheimbolanden Luxembourg: A62 direction a Kaiserslautern usque a Kaiserslautern. Post Kaiserslautern A63 direction a Mainz. Exito no. 11: Kirchheimbolanden Francia: Conduce a Matz/Saarebruck e prende A6 usque a Kaiserslautern. Post Kaiserslautern A63 direction a Mainz. Exito no. 11: Kirchheimbolanden Suissa: A5 de Basel via Karlsruhe direction Frankfurt a "Walldorf" ibi cambia al A6 verso Saarbrücken. Seque A68 Kaiserslautern/ Saarbrücken usque Exito no. 18 "Wattenheim". Ibi prende le B47 direction Eisenberg, Göllheim, Kirchheimbolanden. Austria: Vade a München e prende le A8 direction Stuttgart/ Karlsruhe. In Karlsruhe prende le A5 direction Frankfurt a "Walldorf" ibi cambia al A 6 verso Saarbrücken. Seque A68 Kaiserslautern/ Saarbrücken usque Exito no. 18 "Wattenheim". Ibi prende le B47 direction Eisenberg, Göllheim, Kirchheimbolanden. Republica Tchec: Prende le A71, A70, A72, A9 o A3 pro venir al A7 o A5 in direction de Frankfurt, In Frankfurt direction de Mainz A63 direction Kaiserslautern. Exito no. 11: Kirchheimbolanden. Polonia: Prende le A71, A70, A72, A9 o A3 pro venir al A7 o A5 direction de Frankfurt, In Frankfurt direction de Mainz A63 direction Kaiserslautern. Exito no. 11: Kirchheimbolanden.