23e Conferentia International de Interlingua

Iste pagina es actualisate continuemente con le novas le plus recente super le 23e conferentia.

  Le UMI invita omne interessatos e lor familias al 23e Conferentia International de Interlingua in Praga in le Republica Tchec le 21-28 de septembre 2019. Veni apprender e practicar interlingua e experientia le possibilitates con un belle lingua international in amicitate, collaboration, recreation e amusamento!

Le conferentias international de interlingua es organisate omne duo annos e attrahe usatores de interlingua ab tote le mundo – nove interessatos, personas qui ha participate antea e le veteranos, qui ha participate a omne conferentia durante decennios. Illes veni pro esser orientate super le labores pro diffunder le cognoscentia e le uso practic de interlingua, pro excambiar ideas e pro discuter como progreder – preferibilemente in collaboration international.

Datas: Arrivata sabbato le 21 de septembre 2019 e partita sabbato le 28 de septembre 2019. Le dies conferential es le 22-27 de septembre. Scheda de inscription

Centro conferential: Hotel Čechie es situate circa dece minutas in metro ab le centro historic de Praga. Le hotel essera le centro conferential del arrangiamento con tote facilitates moderne e bon cameras.

Precios: Ante le 30 de junio 2019 le precio pro participation e un camera singule con le jentaculo includite costara 360 euros (post le 1 de julio: 420 EUR), e in un camera condividite de duo personas 300 EUR per persona (post le 1/7: 350 EUR). Le precio non include lunch e cena. Assi il essera plus facile seliger mesme in le restaurante del Hotel Čechie.

Programma: Le programma conferential es sub elaboration. Ideas motivate con un breve description de 3-5 lineas pote esser inviate al arrangiatores.
   Le programma include excursiones pro visitar le ambiente e da le optime possibilitates de conversationes, intertenimento, e discursos e presentationes de multe themas e topicos – sempre in interlingua ma certo non solmente super interlingua. Il ha cursos pro comenciantes e pro extender le vocabulario existente de illes qui ja maestra interlingua plus.

Arrivata: Praga es facilemente attingibile per avion, traino o auto.

Hotel Čechie. Photo: Bohdan Šmilauer

Documentos e discursos

• Apertura official del 23e conferentia international de interlingua, Madeleine Mahé, presidente del UMI
• Apertura official del 23e conferentia international de interlingua, Julian Mendez, secretario general del UMI
• Apertura official del 23e conferentia international de interlingua: "pep-talk", Thomas Breinstrup, redactor in chef del Panorama in interlingua
• Le Republica Tchec, Jiří Kubínek, Tchechia
• Le lingua tchec, Jiří Kubínek, Tchechia

• Le programma del 23e conferentia international de interlingua (version anglese/English version)
• Le placard official del 23e conferentia international de interlingua (formato PDF)
• Ultime chance 30 de junio: Participa in le conferentia con reduction
• Stipendios pro participar in le conferentia in Praga
• Inscription aperite: Participa in le conferentia de interlingua in Praga con disconto
• Scheda de inscription
• Le 23e conferentia international de interlingua essera in Praga in 2019
• 23e conferentia international de interlingua in 2019
• Le conferentias international de interlingua (desde 1955)

• Guida illustrate: como ir del aeroporto de Praga usque le hotel Cechie
• Wikipedia in interlingua: Praga