Piet Cleij: Dictionario francese-interlingua
Union Mundial pro Interlingua, 2008
© 2008 Piet Cleij

Francese non solmente es un del grande linguas in le mundo. Illo anque es un del septe linguas que forma le fundamento de interlingua, le lingua auxiliar international.

Tosto post le publication de interlingua per le International Auxiliary Language Association (IALA) in 1951 appareva le prime dictionario de interlingua pro francophonos. Alteres ha sequite. Ma illos ha omnes essite dictionarios limitate.

Iste grande Dictionario Francese-Interlingua es le plus grande publicate usque hodie, e illo anque es inter le plus grande dictionarios de interlingua del toto. Con su circa 52.000 entratas, illo es un obra absolutemente necessari pro omne francophonos qui vole occupar se plus profundemente con interlingua in scripto e in conversation.

Le dictionario es le resultato de multe annos de labor per Piet Cleij, professor emerite de francese e vice-secretario del Union Mundial pro Interlingua (UMI). Piet Cleij ha laborate durante multe annos como lexicographo e ha publicate un longe serie de dictionarios, vocabularios thematic e listas con expressiones in interlingua. Ille es le co-fundator del Societate Interlingua-Nederland e prende parte in le labor del Commission Linguistic del UMI.

Le Dictionario Francese-Interlingua pote esser discargate littera post littera in files separate o como un singule – e assi grande – file, omnes in formato PDF. Pro seliger le singule litteras, clicca in le lista in basso. Pro seliger tote le dictionario in un file, clicca ci: Dictionario Francese-Interlingua. NB: Nota que le obra es solmente pro uso personal – il non es permittite copiar o publicar lo.

● A (dict_fr_ia_a.pdf)
● B (dict_fr_ia_b.pdf)
● C (dict_fr_ia_c.pdf)
● D (dict_fr_ia_d.pdf)
● E (dict_fr_ia_e.pdf)
● F (dict_fr_ia_f.pdf)
● G (dict_fr_ia_g.pdf)
● H (dict_fr_ia_h.pdf)
● I (dict_fr_ia_i.pdf)
● J (dict_fr_ia_j.pdf)
● K (dict_fr_ia_k.pdf)
● L (dict_fr_ia_l.pdf)
● M (dict_fr_ia_m.pdf)
● N (dict_fr_ia_n.pdf)
● O (dict_fr_ia_o.pdf)
● P (dict_fr_ia_p.pdf)
● Q (dict_fr_ia_q.pdf)
● R (dict_fr_ia_r.pdf)
● S (dict_fr_ia_s.pdf)
● T (dict_fr_ia_t.pdf)
● U (dict_fr_ia_u.pdf)
● V (dict_fr_ia_v.pdf)
● W (dict_fr_ia_w.pdf)
● X (dict_fr_ia_x.pdf)
● Y (dict_fr_ia_y.pdf)
● Z (dict_fr_ia_z.pdf)