Pagina principal del Bibliographia
Actualisate le 11 de februari 2023.
Berger, Ric: Vocabulario interlingua, secundo le centros de interesse Editiones Interlingua, Suissa, 54 pp., A4.
41 aggruppamentos de parolas circum themas como: Astronomia, justitia, musica, etc.
Servicio de Libros UMI: 7 €.
Boas, Carlos Henrique: Interlingua pro omnes União Brasileira pró Interlíngua, 1998, 54 pp., A5.
Iste interessante manual contine lectiones in le stilo conventional, usante diverse illustrationes. Multo apte pro apprender interlingua directemente. Ultra textos, illo presenta dialogos practic e exercitios. On non solmente studia, ma anque se intertene!
União Brasileira pró Interlíngua: R$ 5.
Brauers, Karl: Grammatica synoptic de interlingua Editiones Interlingua, Suissa, 1976, 60 pp., A4.
Iste excellente grammatica explica multo clarmente le principal regulas grammatical de interlingua.
Breinstrup, Thomas: Dictionario de abbreviationes Servicio de Libros UMI. 2-de edition totalmente revidite 1994, 56 pp. A5.
Abbreviationes deveni de plus in plus moderne. Nomines de organisationes, paises, parolas multo usate e expressiones es abbreviate pro facer le labor plus facile. Ma sovente iste abbreviationes deveni mer mysterios pro le lector. Le dictionario contine plus que 3.000 abbreviationes international le plus commun e ordinari, indicante lor orthographia national e explicante lor significationes in un linguage normal. Anque abbreviationes purmente national es includite pro plenar lacunas importante.
Servicio de Libros UMI: 5 €.
Breve grammatica e vocabulario de interlingua Union Mundial pro Interlingua, 1988, 8 pp., A5.
Contine le principal regulas grammatic e le traduction de circa 500 parolas minus comprensibile a prime vista in anglese, espaniol, germano e italiano. Le vocabulario es seligite con multe cura, de maniera que quando on lo include presso correspondentia, on non besonia usar un altere lingua que interlingua.
Servicio de Libros UMI: 2 €.
Cleij, Piet: Lista supplementari de vocabulos international
Lista de plus de 30.000 parolas international, non trovabile in le "Interlingua-English Dictionary" de 1951. Cata parola es listate como substantivo, verbo, adjectivo etc. e es sovente marcate per dominios special (botanica, physica, chacos, linguistica etc.).
Servicio de Libros UMI: 16 €. Solo duo exemplares remane in stock, del 3tie edition de 2000, sed intertanto de 6te edition de 2011 es disponibile de Lulu.com.
Gode, Alexander: Interlingua a prime vista Fr. Ungar Publishing Co., New York, 1971. 81 pp., 22 × 15 cm, cartonate.
Manual attractive scribite integremente in interlingua. Innumerabile illustrationes explica le textos.
Servicio de Libros UMI: 8 €.
Stenström, Ingvar: Interlingua – instrumento moderne de communication international Parte I "Textos" Reimpression per Servicio de Libros UMI. 1987, 54 pp., ill. 20 × 14 cm.
Iste edition es le prime parte "Textos", que contine 30 lectiones in interlingua e dunque pote esser usate in omne paises. Le secunde parte "Commentario", con explicationes del grammatica e structura de interlingua, es editate separatemente in varie linguas national. Le manual de Ingvar Stenström ha devenite un classico, utilisate jam in multe paises.
Le curso, con le supplemento in varie linguas, es disponibile de Lulu.com.
Stenström, Ingvar: Interlingua – instrumento moderne de communication international CD con parte I "Textos"
CD con le 30 lectiones registrate per le autor. Iste compact disk es de optime valor, quando on studia interlingua sin docente.
Servicio de Libros UMI: 5 €. Stock exhaurite. Iste registrationes es ora disponibile in linea in le sito del UMI.
Wilgenhof, Karel: Grammatica de Interlingua 2e ed. 1995, 60 pp., A5. ISBN 90-71196-39-9.
Iste secunde edition es exhaurite. Le tertie edition de 2012 es in vendita in Lulu.com.
Wilgenhof, Karel: Dictionario de nomines geographic in Interlingua 3e ed. 1995, 30 pp., A5. ISBN 90-71196-13-5.
Cambiamentos politic occurre e isto instigava a un reedition de iste dictionario. Alcun additiones esseva facite e le lista de republicas sovietic non esseva plus valide. Le ordine alphabetic se ameliorava.
Vide anque le nove version, de 2007, a consultar sin costos: Lista Alphabetic de Nomines Geographic.
Wilgenhof, Karel: Qualque observationes lexical pro usatores de Interlingua in particular del "Interlingua-English Dictionary" de IALA 1997, 20 pp., formato B5.
Un collection de explanationes interessante super varie subjectos lexical, inter le quales emendationes, correctiones e additiones de plure parolas in le "Interlingua-English Dictionary", e un presentation original de numerales basate super le formas existente in le linguas fonte de Interlingua.
Iste libro non ancora es disponibile como libro de papiro. Ma vide le lista de e-libros, ubi le libro pote esser discargate gratis como PDF.
Selahattin Kayalar: Grammatica de interlingua Anno de publication: 2005 Editor: Union Mundial pro Interlingua 156 pp., A5. ISBN 90-78279-01-X.
Le obra es le traduction in interlingua de "Interlingua, a grammar of the international language" (secunde edition de 1971) per Alexander Gode e Hugh E. Blair.
Stock exhaurite. Le grammatica es ora disponibile de Lulu, e anque online in varie formas.
INFORMATION PRO LE COMMANDA
Ordina vostre libros per reimpler e inviar electronicamente le sequente formulario. Io inviara un factura a vos via posta electronic (si disponibile) o posta regular, que specifica le costos total e explica le optiones de pagar. Quando io ha recipite vostre pagamento, io inviara le libros a vos. Gratias pro vostre interesse!
FORMULARIO DE COMMANDA