Optimalitate de interlingua – e un jubileo extraordinari
Duo presentationes ab le 25e conferentia international de interlingua es preste.
Duo presentationes ab le 25e conferentia international de interlingua in Varsovia, Polonia, in julio-augusto 2023 ha essite publicate per le Union Mundial pro Interlingua.
In le "Optimalitate de interlingua", Grzegorz Kondrak, qui es professor de informatica in le Universitate de Alberta in Canada, analysa interlingua pro examinar, si il es possibile definir naturalitate e regularitate e assi trovar le optimalitate de interlingua. In "Tours de Francia a VarsovIA – un viage jubilari de 25 conferentias de interlingua", Thomas Breinstrup, qui es le redactor in chef de Panorama in interlingua e le presidente del Union Danese pro Interlingua, presenta un illustrate supervista personal con anecdotas del 25 conferentias de interlingua, del quales ille ha participate in le 20.
Le presentationes esseva registrate durante le successose conferentia. Audi anque le stella de interlingua, Carlos Valcárcel Riveiro, presentar su secretos de como attraher centos de milles de sequitores pro su videos de interlingua in TikTok, YouTube e Instagram
Vide le presentationes:
- 25e conferentia international de interlingua: Grzegorz Kondrak presenta "Optimalitate de interlingua"
- 25e conferentia international de interlingua: Thomas Breinstrup presenta "Tours de Francia a VarsovIA, un viage jubilari de 25 conferentias de interlingua"
- Audi anque: 25e conferentia international de interlingua: Carlos Valcárcel Riveiro presenta "Interlingua pro crear contento vitral in retes social"