UMI  Le 10-me Incontro Nordic de Interlingua habera loco le 26-30 de julio in Vadstena in Svedia, vicin al laco Vättern in le urbe medieval. Vadstena Folkhögskola essera le centro de un curso intensive de interlingua le 26-28 e le incontro le 28-30. Como sempre le incontro es organisate per le quatro organisationes nordic de interlingua in Svedia, Danmark, Norvegia e Finlandia. Un scheda de inscription ha essite publicate in Internet e va apparer in le magazin commun nordic, Actualitates.