25e Conferentia International de Interlingua
25e Conferentia International de Interlingua
del Union Mundial pro Interlingua (UMI)
29 de julio – 4 de augusto 2023
↓Information e actualitates↓ • Programma • Scheda de inscription • Novas
Le Union Mundial pro Interlingua invita al 25e Conferentia International de Interlingua le 29 de julio - 4 de augusto 2023, in le citate Varsovia, Polonia. Le conferentia essera hybride. Le precio de participation in forma presential es multo accessibile, e gratuite si on participa in forma digital. Veni apprender e practicar interlingua e experientia le possibilitates con un belle lingua international in amicitate, collaboration, recreation e amusamento!
Le conferentias international de interlingua es organisate omne duo annos e attrahe usatores de interlingua ab tote le mundo – nove interessatos, personas qui ha participate antea e le veteranos, qui ha participate a omne conferentia durante decennios. Illes veni pro esser orientate super le labores pro diffunder le cognoscentia e le uso practic de interlingua, pro excambiar ideas e pro discuter como progreder – preferibilemente in collaboration international.
Datas: Le conferentia comencia sabbato le 29 de julio e fini venerdi le 4 de augusto 2023.
Horas:
Le conferentia habera al minus un session hybride per die. Assi le plus multe personas pote participar independente del zonas horari. Le session essera a 14:00-15:15 UTC (16:00-17:15 CEST, 10:00-11:15 EDT).
Centro conferential: Le Centro Conferential es in Varsovia, Polonia, vicin
al Hotel Gromada.
Adresse: Pl. Powstanców Warszawy 2, Śródmieście, 00-030 Warszawa (Varsovia), Polonia.
Le sala de conferentia es a un distantia de 200 metros del hotel, al addresse Bracka 25, 00-028 Warszawa (Varsovia), Polonia.
Precios: Le costo de participation in persona es 20 EUR. Illo include un abonamento a Panorama digital pro le anno 2024, o un disconto de 10 EUR a Panorama imprimite pro le anno 2024.
Le costo de participation contribue a pagar partialmente le sala de conferentia. Le hotel e repastos es arrangiate e pagate individualmente per cata participante.
Le participation al sessiones hybride es gratuite, ma on debe naturalmente inscriber se. Ecce le scheda de inscription.
Programma: Le programma conferential se presenta ci. Cambios e actualisationes pote occurrer. Visita pro isto le pagina regularmente.
Arrivata: Le arrivata es planate pro sabbato le 29 de julio 2023. Nos nos trovara in le hall del Hotel Gromada, e habera un cena insimul.
Novas
• Grzegorz Kondrak presenta: "Optimalitate de interlingua"
Codice de conducta
Le participantes de iste conferentia in persona e in forma digital debe sequer le codice de conducta.