Lars Rosenmeier: "Mini-guida: Active uso de interlingua in Interforo", Panorama in interlingua, julio-augusto 2013, 2 pp. A4

UMI  Quando on se occupa con un lingua, le plus amusante es usar lo. E ancora plus amusante es usar lo in communication con multe personas.

Usatores de interlingua - nove interessatos e usatores plus experientiate - pote usar le foro interactive Interforo.org (www.interforo.org) pro practicar interlingua e scriber super omne themas que es de interesse personal. Ma Interforo anque es un bon loco a trovar assistentia, si on ha un interessante projecto de interlingua que on desira realisar.

Interforo es dividite in categorias logic, e alora on scribe su message o su appello de adjuta in le categoria natural. Omnes pote alora leger le message per visitar Interforo, e illes qui desira responder pote facilemente scriber un responsa. On pote narrar de amusante o curiose episodios quotidian, on pote traducer un joco, on pote scriber un nova, on pote demandar adjuta con traductiones, on pote describer su projecto de sonio... Le lista es sin fin. Le plus importante es esser active in interlingua, e il ha sempre personas qui es interessate, e qui vole adjutar.

Seque iste mini-guida de duo paginas ben illustrate de como usar Interforo, e tu deveni rapidemente un usator experientiate in un maniera amusante. Le mini-guida es scribite per Lars Rosenmeier, qui es le gerente de Interforo.

Discarga le mini-guida!