Le aventuras del baron Münchhausen

"Le aventuras del baron Münchhausen" – in interlingua per Peter Liebig, 44 paginas A6, illustrate per le classico Gustave Doré, Union Mundial pro Interlingua, 2008.

  Ecce octo contos in interlingua con le mentitor le plus famose del mundo, le baron Münchhausen, qui cavalca super un balla de cannon, viagia al luna, alliga su cavallo a un palo in le nive e discoperi le proxime matino que illo esseva le pinnaculo de un ecclesia, incontra tonos gelate in un corno e multe altere cosas absolutemente incredibile ma narrate con grande humor.

Peter Liebig, representante de interlingua in Germania 1984-2009 e hodie consiliero general del Union Mundial pro Interlingua pro le Union German pro Interlingua, ha traducite iste collection de aventuras amusante pro le lectores del Panorama. Bon amusamento con le lectura!