Scribe manuscriptos pro le nove serie "Facile a leger in interlingua", e vide immediatemente, qual parolas debe esser explicate in notas a pede.

UMIFacile a leger in interlingua  Iste corrector orthographic con le 2.500 parolas in "Interlingua - dictionario basic" ha essite developpate pro autores. Illo functiona in le pacco de programmas gratuite LibreOffice e OpenOffice. Pois que le corrector cognosce solmente le 2.500 parolas definite in le dictionario, illo indica omne parolas que non es in le dictionario, e que assi debe esser explicate in notas de pede in le nove libros del serie. Pro le autor, isto es un facile maniera de trovar le parolas a explicar – o eventualmente rediger le texto pro facer lo ancora plus facile al lectores. Gratias a Ove Hanebring, Svedia, pro haber developpate le corrector orthographic e a Carlos Soreto, Portugal, pro le pacco de installation automatic.


Installation:

1. Discarga le file dict-ia2500.oxt (in basso), e selige un location sur tu computator que tu pote trovar de novo in un momento.
2. Localisa dict-ia2500.oxt, e clicca duo vices sur le file. LibreOffice starta.
3. Clicca 'OK' pro acceptar que "Interlingua - Dictionario orthographic e regulas de division de parolas" es installate.
4. Clicca 'Claude', quando le dictionario appare in le administation de extensiones.

Uso:

1. Starta LibreOffice.
2. In le fundo es indicate le lingua actual del documento. Cambia lo per cliccar sur le nomine del lingua e selige 'Plus...'.
3. In le quadro con 'Lingua' selige 'Interlingua', e clicca 'OK'. Ora se dice "Interlingua" in le fundo del documento, e le corrector con le 2.500 parolas ha essite seligite pro le documento.
4. In alto, clicca sur le icone con 'ABC' con un unda rubie pro activar le corrector.
Omne parolas que non es inter le 2.500 parolas e assi in le dictionario va ora esser sublineate in rubie, e omne iste parolas debe esser explicate in nove manuscriptos.

Discarga le corrector orthographic: dict-ia2500.oxt