Il esseva in Tours in Francia que toto comenciava in 1955: le prime conferentia (appellate: congresso) e le fundation del Union Mundial pro Interlingua. 68 annos plus tarde nos celebra conferentia de interlingua numero 25. Thomas Breinstrup, presidente del Union Danese pro Interlingua e redactor in chef del Panorama in interlingua, ha participate in le 20 conferentias le plus recente. Ille da un illustrate supervista personal con anecdotas del institution importantissime al qual le conferentias se ha developpate – con inspiration e interaction international in interlingua.

Le presentation esseva facite durante le 25e conferentia international de interlingua in Varsovia, Polonia, le 29 de julio al 4 de augusto 2023.

Tours de Francia a VarsovIA – un viage jubilari de 25 conferentias de interlingua