Simon William Buckhalter

Irlanda
Nascite: (non cognite) 1904
Morite: (non cognite) april 1985

Le effortios per Simon William Buckhalter de traducer grande partes del Biblia non solmente le faceva un interlinguista multo recognoscite e respectate pro su excellente traductiones del Vetere Testamento. Su publicationes anque addeva professionalismo e respecto pro interlingua in general. Con su traductiones ille mesmo faceva non-credentes leger le Biblia, scribite in un linguage tanto captivante e ben seligite.

Ille nasceva in Dublin, Irlanda, de parentes judee in 1904. Ille entrava in le Universitate de Trinitate in Dublin in le etate de 16 annos. La, ille studiava hebreo e linguas oriental. Plus tarde ille inseniava hebreo la.

Plus tarde ille studiava lege e esseva appellate al Irlandese Tribunal Legal. Ille usava su sapientia legal, quando ille in 1940 durante le Secunde Guerra Mundial laborava in Belgica e London pro adjutar judeos a escappar de Germania.

Ille retirava a Fuengirola, Málaga, in le sud de Espania in 1962 e deveniva interessate in le movimento de interlingua un poco plus tarde. Ille esseva sempre interessate in linguistica. Ille anque comenciava le studio del Biblia, que ille finalmente decideva traducer de hebreo a interlingua. Ille usava multe horas - a vices integre dies - cercante pro le parola exacte, un parola que hodie pote esser obsolete. Iste accuratessa ha sempre essite laudate quanto al in toto 11 obras con textos biblic in interlingua, e al mesme tempore su linguage ha essite sempre fluente e ben comprensibile.

Durante su retiration, ille anque corrigeva le traduction in septe lingua del Missa Nove originalmente in anglese.

S.W. Buckhalter moriva in april 1985, 82 annos de etate, per un subite attacco cardiac. Ille lassava post se su sposa Ela qui gaudeva que ille non suffreva longe maladia ma gaudeva de bon sanitate, un vita del qual ille esseva contente, e un cerebro clar usque a su ultime hora.

Su bibliotheca de Juridica esseva donate al Synagoga de Marbella, ubi visitatores pote studiar e gauder de illos.

Revidite: 2006-12-29

Redaction: Th. Breinstrup, Ingvar Stenström e Jesper Olsson
Copyright © 2001-2015 Union Mundial pro Interlingua