|
 |
Jurij Cherednikov
Statos Unite de America
Nascite: 24 de april 1964
 Interlingua non esseva representate jammais in Ukraina, ante que
Jurij Cherednikov, de nascentia russe e alora 28 annos, in le primavera 1992 acceptava le
posto official.
Ille nasceva in Odessa in le familia de medicos. In 1981 ille finiva le Instituto
Polytechnic de Odessa e obteneva le diploma de honor del Ingeniero Computatorial,
deveniente specialista de ingenieria in computatores.
Laborante al Instituto de Recercas Scientific de Utensiles, ille apprendeva ab su amico
Konstantin Romalis (Moldova), qui recipeva non ante longe un littera re interlingua ab Bent Andersen (Danmark), le existentia de Interlingua e esseva
surprendite per comprender facilemente le textos in illo a prime vista.
In 1986 Jurij Cherednikov comenciava studiar le philologia francese al Universitate de
Odessa per correspondentia. In 1992 ille ha preparate e sustenite le labor de diploma
dedicate totalmente a interlingua e ha obtenite le diploma de honor de Philologo (del
lingua francese).
Le interesse pro interlingua esseva si acute que ille decideva crear un breve grammatica e
dictionario de illo in le russo. Postea, ille adoptava pro le russophonos le famose manual
de Ingvar Stenstrom "Interlingua - instrumento moderne de communication
international", habente recipite in avantia un amabile permission ab le autor. Ille
es anque le autor del obra "Interlingva: mezhdinarodnij jazijk" (Interlingua:
lingua international) e del breve grammatica e vocabulario de interlingua in russo.
In le anno 1994 esseva create le Societate Ukrainian de Interlingua per Victor Sitnichenko (le vice-director del Instituto de Recercas
Scientific de Utensiles in Odessa), Jurij Cherednikov e Victor Chebotar (le docente del
Philologia Francese al Universitate de Odessa). Jurij Cherednikov esseva appunctate le
Presidente del Societate.
In 1996 le Societate Ukrainian de Interlingua ha organisate le prime Conferentia de interlinguistas Ukrainian
in Odessa.
In 1998, viste le situation economic multo aggravate in Ukraina, Jurij Cherednikov partiva
pro le SUA con le familia pro laborar como ingeniero de software in le compania de
telecommunication.
Jurij Cherednikov es maritate con Alla, qui se origina de Moldova). Illes ha duo filias,
Julia e Raia, que illes ama multo. Le tempore libere que es limitate Jurij Cherednikov ama
passar con su familia.
Su interesses es linguas, machineria computatorial avantiate e cartas postal ab diverse
paises.
Ille habita hodie in le Statos Unite de America.
Revidite: 2006-12-29 |
|
|
