
LE HISTORIA

	Presentation
	Navigation
	Redaction
	Le UMI

LE MERCATO

	Le Mercato Historic

CONFERENTIAS

	Conferentias international
	Incontros nordic



PUBLICATIONES

	Magazines
	Interlingua in le pressa
	Summarios
	Libros



BIOGRAPHIAS

	Personas A-Z

Hermann Ferdinand Haller

Suissa
Nascite: (non cognite)
Morite: ? de decembre 1990

Un del ver veteranos de interlingua esseva Hermann Ferdinand Haller de Suissa.

In decembre 1990 justo ante le Natal se transpassava ille post un breve maladia, in le etate de 86 annos. Ille esseva interrate le 19 de decembre. Assi finiva un epocha pro le ex-tresorero del Union Interlingua de Helvetia (UIH), e assi finiva un epocha pro omne le interlinguistas qui le incontrava - vivide, energic e sempre gaudiose - a conferentia post conferentia. Mesmo post dece dies de hospitalisation post un operation appareva ille in Paris in 1987 e esseva recipite con applauso per le participantes. Haller habeva descendite a un mal station ferroviari e vadite le distantia de tres stationes pro participar.

Le juvene Ferdinand - como omnes le appellava - habeva interesse pro linguas international in 1916. Un serie de imagines colorate sur paccos de chocolate advocava le lingua artificial ido. In 1922 ille apprendeva esperanto al schola commercial, administrative e traffical ferroviari, assisteva al congresso de ido in Zürich 1928, deveniva docente de ido, "converteva" in 1931 a occidental e transiva a interlingua in 1951 al conferentia in Lausanne. Antea ille habeva studiate e usate latino sine flexione.

Hermann Ferdinand Haller esseva co-fundator del UIH in 1969 in Bern e deveniva su tresorero, un posto que ille lassava a Paolo Castellina alcun annos ante su morte. Durante su multe viages con su sposa, Alma Haller Hauri, a omne partes del mundo - le plus sovente in autobus - ille experientiava tante cosas e anque usava interlingua ubi possibile.

Interlingua habeva su grande amor, e Hermann Ferdinand Haller (qui de profession esseva empleato del ferrovias suisse) esseva un ver fonte de inspiration pro le juvenes e objecto pro admiration del plus vetere participantes del conferentias de interlingua, ubi su grande humor e mer presentia placeva a omnes.

Revidite: 2006-12-29