Jeanne Martinet

Francia
Nascite: le 24 de martio 1920

Le Union Interlinguista de Francia (UIF) eligeva in le fin de 2002 un nove presidente. Jeanne Martinet reimplaciava Alix Potet, qui deveniva nove vice-presidente del organisation. E assi Jeanne Martinet retornava in le tracias de su sposo, qui participava in le preparationes final de interlingua in le fin del 1940s. 

Jeanne Martinet es cognoscite como semiotico, e illa es proprietario de un schola de semiotica. Illa publicava in 1973 le obra "Clefs pour la sémilogie" in Paris, un obra que ha essite traducite in numerose linguas. Illa esseva maritate con professor André Martinet (1908-1999), qui esseva le penultime director del recercas de International Auxiliar Language Association (IALA) de 1946 a 1948. IALA publicava in 1951 le prime obra in interlingua. Jeanne Martinet non esseva multo involvite in interlingua, ante que un equipa con justo Alix Potet in le fin de 1997 faceva un interview con le copula in lor casa. 

Jeanne Martinet ha participate in le conferentia jubilari de interlingua in Polonia in 2001, in le 8-ve Incontro Nordic in Svedia 2002, in le 16-te Conferentia International de Interlingua in Bulgaria 2003, in le 9-ne Incontro Nordic in Svedia in 2004 e in le 17-me Conferentia International de Interlingua in Svedia 2005. Illa continua dar discursos e viagiava a Guadeloupe pro pronunciar le discurso "Créole et interlingua" al incontro del Societate International de Linguistica Functional le 30 de septembre al 7 de octobre 2002. 

Alix Potet ha essite presidente del Union Interlinguista de Francia desde julio 1989. Illa anque es representante francese in le Consilio General del Union Mundial pro Interlingua.

Jeanne Martinet es ben cognoscite como linguista. Illa esseva co-autor con su marito del libro "Mémoires d'un linguiste" (Vivre les langues. Entretiens avec Georges Kassai et avec la collaboration de Jeanne Martinet. Quai Voltaire, Paris, 1993).

Revidite: 2006-12-29

Redaction: Th. Breinstrup, Ingvar Stenström e Jesper Olsson
Copyright © 2001-2007 Union Mundial pro Interlingua