|
 |
Mi prime contacto
con interlingua
Panorama ha demandate a un serie de usatores de interlingua, como esseva lor prime contacto con le lingua. Lor narrationes es instructive, a vices curiose, surprendente e amusante.
(Publicate in Panorama in Interlingua, maio-junio 2002)
PIERRE HUMBERT (Francia), redactor del chronicas in
Panorama, ex-tresorero del Union Interlinguista de Francia:
Un collection de parve libros in Francia es nominate "Que sais-je?" (Que sape io?), publicate per Presses Universitaires de France, 108 Boulevard St. Germain, Paris. Illo ha un grande successo presso le publico de studentes (mesmo amator o vetule).
Le numero 968 (del anno 1966), "Les langues internationales" (Le linguas international) per Pierre Burney, io lo legeva per hasardo in 1979. Illo presenta le historia – de latino, francese, anglese, esperanto, ido e
interlingua, con le mesme texto in iste tres linguas. Le qualitate me faceva seliger
interlingua, ma io debeva cercar con difficultate un apertura, un contacto pro apprender iste lingua, e trovar documentos e personas.
Revidite: 2006-12-29 |
|
|
