Walter Roc Raédler

Germania
Nascite: (non cognite) 1919
Morite: (non cognite) 1977

Walter Raédler nasceva in Glogow in Polonia. In 1910 ille comenciava studiar e usar esperanto, 22 annos de etate, e deveniva collaborator de duo magazines de esperanto, Heroldo de Esperanto e Dia Regno. In 1935 ille adhereva al lingua Occidental, justo quando omne organisationes interlinguistic esseva prohobite in Germania.

Walter Raédler totevia continuava su labor, e in 1941 ille esseva punite con le ration que ille in 1937 e 1938 se habeva occupate del labor de diffunder esperanto e occidental. Le policia de Grünberg le dava quatro septimanas in le arresto.

In le fin del Secunde Guerra Mundial in 1945, Walter Raédler - ora un citatano del Republica Democratic German - se institueva como "Centro de action pro le diffusion de Occidental (hodie nominate Interlingue)", e ille luctava vehementemente contra le fascismo per i.a. magazines interlinguistic e philatelic in Francia, Italia, Svedia e Danmark.

In 1956 ille redigeva un bulletin sub le titulo "Correspondent de G.D.R.", editate como un supplemento al revista tchec Globus. Duo annos plus tarde ille publicava un texto anti-atomic in tres linguas super inveloppes con traduction in Occidental e pois altere textos dedicate al memoria de Edgar de Wahl, le autor de Occidental.

Walter Raédler esseva enthusiasmate pro linguas international, e ille consacrava le medietate de su vita pro tales. Ancora in 1954, ille esseva le objecto de confiscationes e perquisitiones a causa de su activitates interlinguistic. Ille deveniva, circa 1962, secretario del Union Mundial pro Interlingua in le RDG e esseva le representante usque su morte in 1977.

Revidite: 2012-06-05

Redaction: Th. Breinstrup, Ingvar Stenström e Jesper Olsson
Copyright © 2001-2012 Union Mundial pro Interlingua