Pagina principal del Bibliographia
Actualisate le 31 de januario 2023.
Andersen, H. C.: Contos e historias "Classicos in Interlingua". Traducite per Thomas Breinstrup. Servicio de Libros UMI, 1995, 84 pp. A5. Illustrate per Henrik Breinstrup, Vilhelm Pedersen e Lorenz Frølich. ISBN 90-71196-37-2.
H. C. Andersen esseva diligente e scribeva in total 156 contos. Multes ha devenite classicos, le majoritate totevia non es si cognoscite. Iste libro presenta 16 contos, que non pertine al repertoire normal, i.a. ab le prime parve quaderno de contos per H. C. Andersen, editate in 1835. Inter le titulos es "Le Flores del Parve Ida", "Pollicetta", "Le Collina del Elfes", "Le Scarpas Rubie", "Le Historia de un Matre" e "Agreste". Benvenite a un mundo fabulose!
Servicio de Libros UMI: 7 €.
Andersen, Hans Christian: Septe Contos Union Danese pro Interlingua, 1975, 36 pp.
Iste belle edition esseva publicate in honor del illustre autor danese. Le traductor H. P. Frodelund ha selectionate diverse faciettas del fabulose imagination de su celebre concitatano. Con excellente illustrationes per Gert Tamboer. Illo merita entrar in le bibliotheca de omne amico de interlingua.
Servicio de Libros UMI: stock exhaurite. Vide anque le sito del UMI.
BAHA'I Religion universal pro le humano moderne Trad. Ingvar Stenström. Editate per Societate Svedese pro Interlingua. 1992, 16 pp., 21 × 13 cm. ISBN 91-971940-0-X.
Servicio de Libros UMI: 1 exemplar 2 €, 5 ex. 7 €. (Indica le quantitate in le campo "Commentos" del formulario de commanda.)
Ora anque disponibile sin costos in le sito del UMI.
Bang, Herman: Tres novellas Traducite per Pian Boalt. Societate Svedese pro Interlingua e Servicio de Libros UMI, 1994, 104 pp., A5, ill. ISBN 90-71196-31-3.
Herman Bang es un del homines le plus grande in le litteratura danese. Como juvene ille probava le mestiero de actor, e ille laborava tote su vita con le scena, un circumstantia que on pote traciar in su autorato. Bang ha scribite essayos, spectaculos, poesia e, primarimente, un grande numero de novellas. Le tres novellas eligite pro iste libro son considerate como obras maestrose per Bang.
Societate Svedese pro Interlingua: 80 SEK. Servicio de Libros UMI: Stock exhaurite.
Berger, Ric: Collection pro Interlingua Editiones Interlingua, Suissa. 1971-1978. Volumines de 100-150 pp., A4.
Cata volumine es componite de folios independente con riccamente illustrate articulos, traductiones, etc. (Alcun volumines es exhaurite.)
C 1. Anthologia de Interlingua C 2. Le arte in interlingua C 3. Lecturas illustrate in Interlingua C 4. Pourquoi Interlingua? C 5. Le Problema de un Lingua international C 6. Esperanto o Interlingua? C 7. Historia del lingua international I C 8. Historia del lingua international II C 9. Interlingua, die Welthilfssprache C 10. Interlingua, the international language C 11. Le solution final del interlinguistica C 12. Le arte del antiquitate
Servicio de Libros UMI: Precio per volumine 7 €, per 3 ex. 14 €.
Berger, Ric: Encyclopedia de Interlingua, Editiones Interlingua, Suissa. Quadernos de 30-40 pp., A4. Iste ricamente illustrate quadernos son componite in tal maniera que non solmente on se perfectiona in le practica de Interlingua, ma anque acquire nove cognoscentias in varie dominios.
E 1. Le animales, aves E 2. Animales diverse E 3. Mammiferos E 4. Le botanica E 5. Le arte arabe E 7. Le arte in Grecia E 8. Le arte del Imperio Roman E 9. Le arte decorative E 10. Le arte in Nederland E 11. Religion e arte E 12. Castellos de Francia E 13. Espania E 14. Geographia de Italia E 15. Caricaturas in Interlingua E 16. Mores in Interlingua E 17. Historia de Occidental o Interlingue E 18. Historia de Esperanto E 21. Historia e teoria de Ido E 22. Esperanto ou Interlingua E 23. Musica E 24. Sagessa de nationes: Maximas, Proverbios, Aphorismos E 25. Sculptura E 26. Vocabulario de Interlingua E 27. Picturas celebre E 28. Ecclesias de Francia E 29. Le mythologia E 30. Le arbores E 31. Autores celebre E 32. Le dansa tra le seculos E 33. Le expression del sentimentos E 34. Japon E 35. Navigation E 36. Monumentos in Suissa E 37. Artes: le portrait E 38. Legendas de omne paises E 39. Contos e novellas E 40. Litteratura
Servicio de Libros UMI: Precio per 3 quadernos: 5 €.
Traductiones biblic e ecclesiastic
GENESIS, EXODO, LEVITICO, NUMEROS, DEUTERONOMIO (Tote le Pentateucho in un tomo) Servicio de Libros UMI, 1993, 265 pp., A5.
Excellente traduction ab le hebreo con notas textual per Simon William Buckhalter. Le Pentateucho, le cinque libros de Moses, ha un grande valor pro le education spiritual human. Proque le textos biblic es traducite in quasi tote le linguas del mundo, on pote utilisar los pro apprender interlingua per studio comparative.
Servicio de Libros UMI: stock exhaurite.
Anque disponibile de Lulu.com, in cinco tomos separate: Genesis (8 €), Exodo (7 €), Levitico (6 €), Numeros (7 €), Deuteronomio (7 €).
E vide anque Wikisource.
JOSUE Traduction ab le hebreo con notas textual per S. W. Buckhalter. 1984. 60 pp., A5.
Vide anque Lulu.com.
JUDICES Traduction ab le hebreo con notas textual per S. W. Buckhalter. 1985, 60 pp., A5.
JOB Traduction ab le hebreo con notas textual per S. W. Buckhalter. Redaction: F. P. Gopsill. 1987, 86 pp., A5.
LE PROVERBIOS Traduction ab le hebreo con notas textual per S. W. Buckhalter. 1983, 64 pp., A5.
ECCLESIASTES Traduction ab le hebreo con notas textual per S. W. Buckhalter. 1978, 64 pp., A5, ill.
LE CANTICO DEL CANTICOS Traduction ab le hebreo con notas textual per S. W. Buckhalter. 1978, 15 pp., 28 × 21 cm, ill.
PSALMOS E CANTICOS Traduction in interlingua per Abbate Raymond Volf. Servicio Interlingua, Danmark, 1982, 16 pp., A5.
Un reedition de 13 psalmos e 2 canticos traducite in interlingua in 1959. Le traductor anque forniva le libretto de notas textual.
Servicio de Libros UMI: stock exhaurite. Disponibile pro discarga gratis in le sito del UMI.
LE ORDINARIO DEL MISSA Servicio de Libros UMI, 1987, 8 pp., A5.
Traduction del Missa Normative le qual depost le 2e concilio vatican es official in le ecclesia catholic. Le traductor, S. W. Buckhalter, se exprime in un lingua facile a comprender e con un stilo appropriate al thema.
Blandino, Giovanni S.I.: Problemas de Theologia catholic. Un recerca de synthese Pont. Univ. Laterensis B Pont Univ. Urbania B Coletti, Roma, 1990. 263 pp., A5. ISBN 88-7826-608-6.
Iste libro non es un opera complete e organic de theologia dogmatic catholic. In illo ha essite trac- tate solmente le themas principal e plus actual, anque si in modo coordinate. Sovente son exponite hypotheses personal del autor, que son solmente hypotheses discutibile (e forsan errate), presentate solo pro tentar de portar un contribution al disveloppamento del Theologia. Le varie themas tractate son: Le miraculo – Le beltate genial del Christianismo – Le infallibilitate del Summe Pontifice. Le collegialitate del episcopos – Le inspiration e le inerrantia del Sacre Scriptura – Mysterio e analogia – Unitate e trinitate de Deo – Le homine e su eterne destino – Le problema del dolor – Jesus, ver Deo e ver homine – Le theologia del cruce – Le gratias actual – Le gratia sanctificante – Le fide – Le merito de Maria – Le eucharistia – Le eternitate del inferno – Un ulterior hypothese sur le eternitate del inferno – Le salvation de illes qui non ha le fide. In un prefacio es exponite le grammatica de interlingua in francese e in anglese. Le parolas minus international son traducite in anglese, francese e italiano.
Servicio de Libros UMI: 20 €.
Blandino, Giovanni S.I.: Le existentia de Deo e le immortalitate del anima. Lineas de Philosophia del Esser Pont. Univ. Laterensis, Pont. Univ. Urbania B Coletti, Roma, 1990. 165 pp., A5. ISBN 88-7826-607-8.
Le themas tractate in iste libro son le sequentes: Le esser e su perfectiones – Substantia e accidentes – Le contingentia del entes del mundo – Le devenir – Le causa efficiente – Le principio de causalitate, etc. Le principio de indetermination de Heisenberg – Ordine a caso (hasard) – Le viventes – Le finalismo in le viventes – Critica al Darwinismo – Le spiritualitate del io human – Le libertate del voluntate human – Le probas del existentia de Deo personal – Le attributos de Deo – Le senso del vita human e le lege moral. In un prefacio es exponite le grammatica de interlingua in francese e anglese. Le parolas minus international son traducite in anglese, francese e italiano.
Servicio de Libros UMI: 14 €. Stock exhaurite.
Blandino, Giovanni S.I.: Philosophia del Cognoscentia e del Scientia. Breve lineas. Pont. Univ. Laterensis-Pont. Univ. Urbaniana-Coletti, Roma, 1990, 172 pp., A5. ISBN 88-7826-606-X.
Iste libro es le synthese del lectiones que le autor da in le duo Pont. Universitates. Le themas successive son: Discussion del scepticismo, phenomenismo, idealismo B Le cognoscentia human non se reduce a sensationes o a imagines, ni a linguage B Le classic problema del universales B Un classification del rationamentos e lor justification analytic B Discussion del criticas de Hume e de Kant B Lineas de Philosophia del Scientia. Le libro contine un introduction a interlingua e su grammatica in francese e anglese, un breve vocabulario de interlingua in anglese, francese e italiano, e un exposition del problema del linguas international auxiliar.
Blandino, Giovanni S.I.: Questiones ulterior de philosophia del Cognoscentia e del Scientia Pont. Univ. Urbania – U.M.I., Roma, 1991. 276 pp., A5.
Iste volumine es un ample complemento del precedente libro a un nivello plus specialisate. Alcunes del questiones tractate son: Excursiones historic – Substantia e causa – Le philosophia del linguage – Rationalismo, empirismo, innatismo – Le geometrias noneuclidee – Le logica e le mathematica – Le theorias del probabilitate – Le methodo experimental – Le leges scientific – Le explication scientific – Le operationismo – Le biologia – Le argumentation historic. In un prefacio es exponite le grammatica de interlingua in anglese e il ha un breve vocabulario de interlingua in francese, anglese e italiano.
Servicio de Libros UMI: 20 €. Stock exhaurite.
--> Blandino, Giovanni S.I.: Questiones ulterior de Philosophia del Esser Pont. Univ. Urbaniana B U.M.I., Roma, 1991. 375 pp., A5.
Iste libro es le completamento del precedente. Le principal themas tractate son: 1) Metaphysica general: Excursos historic – Discussion del dilemmas de Parmenides – Le esser e su perfectiones – Substantia e accidentes – Le causa efficiente – Le fin – Le fundation total del entes contingente. 2) Cosmologia philosophic: Questiones de cosmologia general classic – Questiones philosophic concernente le physica moderne. 3) Psychologia philosophic: Le cognoscentia human – Le voluntate human – Le spiritualitate del io – Le interaction inter le io e le corpore. 4) Theologia natural: Le existentia de Deo – Le plano de Deo e le senso del vita human – Discussiones sur Deo. 5) Appendices. In un prefacio es exponite le grammatica de interlingua in francese e anglese. Le parolas minus international son traducite in anglese, francese e italiano.
Servicio de Libros UMI: 25 €.
Blandino, Giovanni S.I.; Häring, Bernhard C.Ss.R; Morra, Gianfranco; Valori, Paolo S.I.: Un discussion sur le Ethica del felicitate 2e edition 1991, Servicio de Libros UMI. 115 pp., A5.
G. Blandino expone un conception de ethica secundo le qual le lege fundamental del moralitate es le lege del amor, que pote esser synthetisate assi: "Cerca le felicitate tue e de tote le altere esseres." Le altere autores discute le conception de Blandino. B. Häring es professor de theologia moral in le Academia Alfonsiana, Roma, G. Morra es professor in le Facultate de Scientias Politic in le Univ. Statal de Bologna. P. Valori es professor de philosophia moral in le Pont. Univ. Gregoriana, Roma.
Servicio de Libros UMI: 14 €.
Blandino, Giovanni: Le beltate genial del christianismo 1993, 40 pp., A5.
Le christianismo es un del grande religiones del mundo. Ma illo non es un sonio human. Illo non es superabile e non es inventabile per nos homines. Assi argumenta Giovanni Blandino in iste libro.
Servicio de Libros UMI: 4 €.
Blandino, Giovanni: Angelos e demonios, spiritismo 1993, 43 pp., A5.
Iste libro tracta de angelos e demonios in le inseniamento catholic e – in le sequente capitulos – del communicationes spiritistic e del activitates demoniac. Iste libro es lectura interessante, scribite in un linguage non troppo complicate.
INFORMATION PRO LE COMMANDA
Ordina vostre libros per reimpler e inviar electronicamente le sequente formulario. Io inviara un factura a vos via posta electronic (si disponibile) o posta regular, que specifica le costos total e explica le optiones de pagar. Quando io ha recipite vostre pagamento, io inviara le libros a vos. Gratias pro vostre interesse!
FORMULARIO DE COMMANDA
Le Union Mundial pro Interlingua https://www.interlingua.com