Documentationes, Litteratura, etc.

Pirandello, Luigi: Dece novellas
Traduction in interlingua per Pian Boalt.
Societate Svedese pro Interlingua e Servicio de Libros UMI. 1993, 108 pp., ill.
ISBN 90-71196-23-2.

Iste publication del famose autor italian contine dece novellas magistral, habilemente traducite del italiano in interlingua per Pian Boalt.

Precio: 10 €, 75 SEK.

Pirandello, Luigi: Le defuncte Mattia Pascal
Traduction in interlingua per Pian Boalt.
Societate Svedese pro Interlingua e Servicio de Libros UMI. 1994, 238 pp., A5, ill.
ISBN 90-71196-24-0.

Mattia Pascal lege super su morte in un jornal, quando ille es via de su village. Primo ille es inquiete e vole corriger le miscomprension. Pois ille considera le facto que ille pro le prime vice in su vita es libere a facer, como ille vole. Poco a poco ille se libera del rolo como le defuncte Mattia Pascal pro inventar un nove identitate. Isto non es sin problemas...

Precio: 13 €, 165 SEK.

Pirandello, Luigi: Le placer del honestate
Comedia traducite per Pian Boalt.
Societate Svedese pro Interlingua e Servicio de Libros UMI. 1993, 68 pp., A5. Illustrate per Henri Micheaux.
ISBN 90-71196-26-7.

"Le placer del honestate" es un comedia del jornalista e autor sicilian, un del plus importante autores moderne de Italia, e – como sempre con Pirandello – illo inverte le conceptos establite de moralitate e le integritate personal. Le linguage es eminente, de facto plen de perlas del parlar quotidian, e le texto pote esser legite como un roman. Le stilo de Pirandello (si excellentemente re-presentate per Pian Boalt) es capturante e surprendente, un placer de leger.

Precio: 7 €, 50 SEK.

Pirandello, Luigi: Sex personages in cerca de autor
Traduction in interlingua per Pian Boalt.
Societate Svedese pro Interlingua e Servicio de Libros UMI. 1992, 68 pp., illustrate.
ISBN 90-71196-22-4.

Luigi Pirandello es considerate como un del plus importante autores moderne de Italia. Ille recipeva in 1934 le premio Nobel in litteratura. Le tragic vita conjugal, con un marita insan de mente, cuje anomalia se manifestava in ideas fixe, eveliava in Pirandello le conviction que il non ha un altere realitate que illo que es create del subjecto. Iste these es vivente in tote su autorato.
"Sex personages cerca un autor" le dava renomine mundial. Le drama ha loco in planos diverse. Illo es un studio esthetic del relation inter le autor e le actores, inter le vita e le theatro, ma anque un proba de eradicar le limites inter illusion e realitate. E post toto, qui es le plus vivente, le actor o le personage? Pirandello lassa a nos spectatores/lectores a trovar le responsa.

Precio: 7 €, 50 SEK. Servicio de Libros UMI: stock exhaurite.

Salicto, Carolo: Volo asymptotic
Primavera 1970, 48 pp., A5.

Un tentativa a demonstrar que uno pote exprimer se in interlingua tanto poeticamente como in altere linguas. Le collection comprende 35 probas poetic original e duo traducites. Illo varia de poesia in forma traditional con stricte metro e rima a textos de structura plus libere.

Servicio de Libros UMI: 4 €. Stock exhaurite.

Sexton, Brian C.: Kio estas interlingua? Informlibro por esperantistoj
(Que es interlingua? Libro de information pro esperantistas.)
British Interlingua Society, 1993.  95 pp., A5. ISBN 1-898017-00-X.

A prime vista le idea de publicar un libro totalmente in esperanto pro presentar interlingua a esperantistas sembla bizarre. Totevia le obra del secretario del Societate Britannic pro Interlingua es un essayo de crear un atmosphera de communication inter le usatores del duo linguas.
Le "informlibro" presenta pur factos del idea e historia de interlingua, desde le formation del International Auxiliary Language Association (IALA) in 1924. Le labor recercatori de IALA es explicate, e le personas participante es describite.
In 4 paginas es explicate le grammatica de interlingua, comparate con illo de esperanto, e seque le 3.000 parolas le plus frequente interlingua-esperanto e esperanto-interlingua e un lista comparative de parolas international.

British Interlingua Society: 6 GBP.
Servicio de Libros UMI: 10 €.

Shakespeare, William: Le tragedia de Hamlet, le Prince de Danmark
"Classicos in Interlingua". Traducite per Sven Collberg.
Servicio de Libros UMI. 1992, 112 pp., A5.  ISBN 90-71196-20-8.

Le plus famose drama de litteratura mundial es le tragedia de Hamlet, le prince de Danmark, scribite per Shakespeare. Hamlet es le narration del danese heroe saga qui pro disappunctar le oncle, qui habeva prendite le vita e regno de su patre, simulava folle, usque ille finalmente habeva vengiantia. Le traduction maestrose mantene le atmosphera ancian del tragedia. Le edition es con un introduction e notas textual.

Precio: 10 €, 70 SEK.

Stenström, Ingvar: Como inseniar Interlingua?
Theorias e consilios practic. Un guida pro non-expertos.
Societate Svedese pro Interlingua. 1993, 12 pp., A5.

Ingvar Stenström, qui ha instruite interlingua in le gymnasio svedese, ha scribite iste parve quaderno. Illo contine consilios practic pro le instructor de un curso in interlingua.

Svenska Sällskapet för Interlingua: 27 SEK.
Non disponibile del Servicio de Libros UMI, ma discargabile sin costos del sito del UMI.

Stenström, Ingvar: Formation de parolas in Interlingua

Non disponibile del Servicio de Libros UMI, ma discargabile sin costos del sito del UMI.

Stenström, Ingvar: Occidental-Interlingue: Factos e fato de un lingua international
Societate Svedese pro Interlingua, 1997. 40 pp. A5, ISBN 91-971940-2-6.

Occidental, autorate per le estoniano Edgar de Wahl, esseva un precursor de interlingua. Ingvar Stenström, mag. fil. in Svedia, ha examinate le historia interessante del lingua e colligite pro le prime vice le factos de su developpamento e diffusion. Ab isto, ille presenta le conclusiones que pote interlingua apprender del fato de Occidental, e como pote interlingua usar iste experientias pro assecurar su diffusion continue.

Servicio de Libros UMI: 6 €.

Stenström, Ingvar, e Yeager, Leland B.: Tema: Interlinguistica e Interlingua, Discursos public
Union Mundial pro Interlingua. 1991, 72 pp., A5. ISBN 90-71196-17-8.

Iste libro contine 8 discursos, del quales un in anglese e le resto presentate in interlingua.
Interlingua es un producto de vinti-septe annos de recerca interlinguistic per IALA (International Auxiliary Language Association), sub le directoratos del linguisticos William E. Collinson, Clark E. Stillman, André Martinet e Alexander Gode. IALA ha constatate que il non es necessari inventar un lingua international: un tal existe latentemente in le vocabulario international de origine latin e grec que es le hereditage commun de omne populos influentiate per le civilisation e technologia originate in Europa.
Iste libro merita esser le possession de cata uno interessate in le communication international.

Non plus disponibile del Servicio de Libros UMI. Vide Lulu.com. Partes del libretto pote anque esser compulsate in Google Books.

Strindberg, August: Novem fabulas
Traducite per Pian Boalt. Editate per Societate Svedese pro Interlingua e Servicio de Libros UMI.
1994, 68 pp., A5, ill. ISBN 90-71196-30-5.

August Strindberg (1849-1912), le titan litterari svedese, es considerate como un del genios poetic le plus productive e le plus universal. Non totes sape que iste gigante anque ha scribite fabulas incantator, narrationes in un lingua simple e plen de amor de vita e de compassion pro le genere human. omo sempre le traduction de Pian Boalt es sublime, e in plus illa ha ipse illustrate le fabulas.

Precio: 7 €, 60 SEK. SdLU: stock exhaurite.

Strindberg, August: Un ludo de sonios
"Classicos in Interlingua". Traducite per Sven Collberg. Servicio de Libros UMI, 1992, 60 pp., A5. ISBN 90-71196-19-4.

In le serie del litteratura mundial ha apparite iste Ludo de Sonios, que le famose autor svedese Strindberg mesme ha appellate "mi drama le plus amate, le infante de mi dolor le plus grande".

Svenska Sällskapet för Interlingua: 50 SEK.
Servicio de Libros UMI: 7 €.

Tchekhov, Anton: Mi vita
Traducite e illustrate per Pian Boalt.
Societate Svedese pro Interlingua e Servicio de Libros UMI, 1995, 119 pp., A5.
ISBN 90-71196-33-X.

Anton Tchekhov (1860–1904) es un del grande autores russe le plus appreciate. Ille se educava a medico, ma esseva capturate per scriber. Su contos se developpava a studios penetrante del vita human, contate con humor e con un tendentia moral.
"Mi vita" es scribite alcun annos post que Tchekhov e su familia moveva a un ferma in le campania. Illo es un narration critic, ma emovente, del vita in le Russia prerevolutionari.

Precio: 12 €, 90 SEK. SdLU: stock exhaurite.

Tucholsky, Kurt: Le palatio Gripsholm
Traducite e illustrate per Pian Boalt.
Societate Svedese pro Interlingua e Servicio de Libros UMI. 1995, 144 pp., A5.
ISBN 90-71196-32-1.

Un roman graciose e incantator de amor ab 1930 per le jornalista e autor german, Kurt Tucholsky (1890–1936), qui sub varie pseudonymos se faceva portavoce del Germania intellectual contra le nazismo.

Precio: 12 €, 100 SEK.

Uhlíř, Aleš: Imaginationes con photographias
Servicio de Libros UMI, 1994. 32, pp., A5, ill.
ISBN 90-71196-36-4.

Le photographias que con le texto forma le contento de iste libro esseva facite in 1979-1992, le majoritate de illos in le hodierne Republica Chec, le plus sovente in Silesia e Moravia. Le autor photographava sempre solmente cosas real, ille non ha usate montages. Totevia le realitate sur le photos cela un senso plus profunde que le simple realitate visibile a prime vista.

Servicio de Libros UMI: 4 €.

Un mundo munde. Un libretto de imagines e rimas sur le pollution con notas lingual in interlingua
Servicio de Libros UMI, 1979. 48 pp., ill., A5.

Iste libretto contine un introduction, alcun poemas e plure designos re le pollution.
Le objectos, que figura in le designos, son providite de un numero, de que le denomination in interlingua es date al pede del pagina.
Al fin se trova un breve grammatica e dictionario de interlingua.

Servicio de Libros UMI: 5 €.

Waterman, Marco: Le ovo de Columbo e le lingua universal
Editiones Aquario, 1973. 62 pp., 21 × 17 cm.

In iste libro original e humoristic le autor introduce le lector in un mundo minus materialistic B illo del veniente era de Aquario... On face le cognoscentia de diverse personas e situationes remarcabile... Multo interessante son le predictiones del famose clarividente Lucy in re le proxime futuro del humanitate e del lingua universal, que parla le superviventes del apocalypso biblic, que arrivara al fin del Regno del Pace pro 1.000 annos.

Servicio de Libros UMI: 4 €.

Waterman, Marco: Le chirologia: le lingua del mano
Editiones Aquario, 1991. 104 pp., A5.
ISBN 90-71196-18-6.

Nostre manos son strictemente connectite con nostre cerebro. Per le patrono del lineas in le palmas de nostre manos nos pote vider, como nos nos ha accostumate de sentir, pensar e ager, e assi como nos crea nostre cammino de vita...
Interessante es que le gravures in nostre manos pote modificar se, e assi nostre vita pote devenir plus harmoniose e successose quando nos labora super nos ipse e face tentativas seriose pro ameliorar nostre personalitate e character.
Iste manual unic, originalmente scribite in interlingua, es ricamente providite de designos explicative e contine impressiones de manos de personas qui ha varie problemas. De plus illo contine impressiones de personas qui ha jocate un rolo decisive in le historia human recente como illos de: Churchill, Roosevelt, Mussolini e Hitler.

Servicio de Libros UMI. Stock exhaurite.

Waterman, Marco: Le numerologia
Parte I. Nomen est Omen.
Editiones Aquario, 1977. 72 pp., A5.

Le metamathematica es un ancianissime scientia metaphysic concipite per Pythagoras e su discipulos. In iste manual le studente apprende le significationes metaphysic del numeros e como poner los in relation al litteras del alphabeto latin e assi al numeros.
Il es multo interessante apprender, que per le numerologia on pote arrivar a tal remarcabile conclusiones characterologic. Con numerose exemplos de numeroscopos de nomines ben cognite como: Roosevelt, Churchill, Hitler, Stalin, Einstein, Picasso, etc.
Al fin de iste libro se trova un breve grammatica e vocabulario de interlingua.

Servicio de Libros UMI: 5 €.

Waterman, Marco: Celestina le gallina del vicina e Hanniballo le gallo del vicino
Editiones Aquario, 1971, 60 pp., ill., A5.

Professor Pannekoek in un de su obras face le proposition que litteratores e poetas creara un nove lingua elegante e melodiose pro reimplaciar le linguas cacophonic e miserabile, per le quales personas cultivate nunc es obligate a exprimer se.
Marco, qui suppone que le famose professor non ancora cognosce interlingua, scribe un littera al editor del libro. Ma on le communica que ille ha decedite alcun decennios retro... A medienocte, studiante le obra del professor, Marco entra in contacto con le spirito de professor Pannekoek, qui monstra un vive interesse pro interlingua.
Marco arriva in un trance e scribe sub le dictato del spirito del famose professor le rimas vocalic e melodiose, que vos pote leger in iste opusculo interessante e spiritual!

Servicio de Libros UMI: 4 €. Stock exhaurite.

Wishlace, Casemir: Inter le stellas
Poemas traducite ab le svedese per Sven Collberg.
Servicio de Libros UMI, 1975, 28 pp., A5.

Casemir Wishlace es polaco de nascentia ma habita in Svedia e scribe su poemas in svedese. Su interesses son dirigite al meditation fundate in le religion de India... Le poeta ha essite qua marinero in le cinque partes del mundo.

Servicio de Libros UMI: 3 €.

Yeager, Leland B.: Economia, Lingua e Obstaculos a Interlingua
Version redigite e ampliate del discurso al 13e Conferentia de Interlingua, Strasbourg, 1997. 18 pp., A5.

Le avantages de cognoscer interlingua non es diluite per effectos de rete e non es vitiate per le competition del anglese. Le informationes de interlingua debe focalisar super le individuo e su proprie incentivos.

Non in le stock Servicio de Libros UMI.

Ordina vostre libros per reimpler e inviar electronicamente le sequente formulario. Io inviara un factura a vos via posta electronic (si disponibile) o posta regular, que specifica le costos total e explica le optiones de pagar. Quando io ha recipite vostre pagamento, io inviara le libros a vos. Gratias pro vostre interesse!