Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Bellemente vestite

  Le vestimentos crea le homine (o femina)! E le vestimentos es le multe partes de texito etc., que es le causa de multe considerationes cata matino: Que debe io portar hodie? Le vestimentos assi es sempre con un -s final pro sublinear que il se tracta de numerose pecias de texito, in le quales on pote vestir se (e memora se con le verbo).

Un habito, al contrario, es un notion pro describer le maniera complete in le qual on ha decidite apparer. Habito assi es singular, non plural, ma on pote naturalmente parlar de habitos in le senso que on ha plure series de vestimentos, assi que on pote cambiar totalmente.