Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Cognosce tu tu familia?

  Ecce como appellar le membros de tu familia in interlingua:

• patre – matre
• parentes: le patre e le matre
• infantes: filio – filia
• soror: le persona feminin con le mesme patre o matre como un o plure altere personas (parve soror/soror minor: le minor de duo sorores o de un fratre; soror plus vetere/soror major: le major de duo sorores o de un fratre)
• fratre: le persona mascule con le mesme patre o matre como un o plus altere personas (parve fratre/fratre minor: le minor de duo fratres o de un soror; fratre plus vetere/fratre major: le major de duo fratres o de un soror)

• filia affin: le femina maritate con le filio del familia
• filio affin: le viro maritate con le filia del familia
• patre affin: le patre del filio/filia affin
• matre affin: le matre del filio/filia affin
• parentes affin: le patre e matre del filio/filia affin

• patrastro: le patre, qui non es le patre biologic
• matrastra: le matre, qui non es le matre biologic
• filiastro: le filio,qui non es le filio biologic
• filiastra: le filia, qui non es le filia biologic
• sosorastra: le soror, qui non es le soror biologic
• fratrastro: le fratre, qui non es le fratre biologic
• filiastros: infantes (solmente pueros o un gruppo de puero(s) + puera(s)), qui non es fratre(s) e soror(es) biologic
• filiastras: infantes (solmente pueras), qui non es soror(es) biologic

• granmatre, ava: le matre de su proprie matre o patre (pro distinguer on pote dicer: granmatre materne/maternal e granmatre paterne/paternal)
• granpatre, avo: le patre de su proprie matre o patre (pro distinguer on pote dicer: granpatre materne/maternal e granpatre paterne/paternal)
• granparentes: le granmatre e le granpatre
• granfilia: le filia de su proprie infante
• granfilio: le filio de su proprie infante
• graninfante: le infante de su proprie infante

• granmatre secunde, bisava: le matre de su proprie granmatre (pro distinguer on pote adder materne/maternal e paterne/paternal)
• granpatre secunde, bisavo: le patre de su proprie granpatre (pro distinguer on pote adder materne/maternal e paterne/paternal)
• granfilia secunde: le filia de su proprie granfilia
• granfilio secunde: le filia de su proprie granfilio
• graninfante secunde: le infante de su proprie granfilia o granfilio

• granmatre tertie: le matre de su proprie granmatre secunde (pro distinguer on pote adder materne/maternal e paterne/paternal)
• granpatre tertie: le patre de su proprie granpatre secunde (pro distinguer on pote adder materne/maternal e paterne/paternal)
• granfilia tertie: le filia de su proprie granfilio secunde
• granfilio tertie: le filio de su proprie granfilio secunde

• cosina: le filia de un fratre o soror de un de su parentes
• cosino: le filio de un fratre o soror de un de su parentes
• amita: le soror de su patre o matre
• oncle: le fratre de su patre o matre

• nepta: filia de su proprie fratre o soror
• nepto: filio de su proprie fratre o soror
• grannepta: le nepta in secunde grado
• grannepto: le nepto in secunde grado
• granamita: le amita de su proprie patre o matre
• granoncle: le oncle de su proprie patre o matre/p>