Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Como scriber le datas

  In certe linguas, datas es scribite per usar numerales ordinal (prime, secunde, tertie etc.). In interlingua on usa numeros cardinal (duo, tres, quatro etc.), excepte le prime die del mense. Sempre on dice:

le XX de XX

Assi on lo usa:

le 1 (prime) de augusto, le 2 (duo) de julio, le 24 (vinti-quatro) de decembre, le 29 (vinti-novem) de februario.

Hodie es le 1 (prime) de junio, heri esseva le 31 (trenta-un) de maio.

Qual data ha nos hodie? Hodie es le cinque. Heri esseva mercuridi, le 4 (quatro) de maio.