Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Felice Natal e bon Anno Nove!

  Natal es le nomine del evento que es celebrate in le mundo christian in decembre, e Natal assi es scribite per majuscula (= un grande littera initial). Usate como adjectivo illo totevia es con minuscula (= un parve littera initial): Hodie es mi die natal. Ma io celebra le Natal con mi familia.

Pro demonstrar su bon desiros on pote dicer felice Natal a tote le familia o bon Natal a tote le familia.

Quando un anno fini, e un nove comencia, on dice bon Anno Nove, normalmente scribite per majusculas pro indicar que il se tracta de justo le die specific del anno e non solmente un nove anno comparate con le ancian.

Assi un carta de Natal pote dicer:

Nos vos invia le optime desiros de un felice Natal e un multo bon e successose Anno Nove.