Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Foco in le lampa?

  Crear foco o mesmo incendio es un arte. Le mesme vale pro differentiar accender ab incendiar.

Le verbo accender es usate in general pro crear foco o lumine: (le parve furno in le salon). Io accende le micca (le parve filo que va a p.ex. un bomba). Ma – forsan como un rememoration de como on lo faceva in le tempores ancian – on pote anque accender un lampa, io accende le luce, io accende le lumine in le salon.

Quando il se tracta de un foco plus forte, mesmo flammas grande, on usa incendiar: Ille incendiava le foreste per error, proque ille oblidava su cigarretta. Le resultato de incendiar sovente es, que le objecto ha disparite, quando le flammas se extingue.