Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Hodie es claudite

  Le horas de apertura es normalmente monstrate in le porta del boteca. Si p.ex. un restaurante labora in le dominica, il non es inusual que le restaurante ha un die de clausura (o: jorno de clausura) septimanal – a saper un altere die del septimana ubi le personal pote reposar.

In le fenestra on pote assi trovar un signo dicente:

Claudite le lunedi e martedi (eventualmente Claudite le lunedis e martedis pro sublinear que il se tracta de tote lunedis e martedis del anno).

Alteremente, on incontra signos como:

Horas de apertura
de lunedi a sabbato
11 a 14 horas e 17 a 20.30 horas
(claudite le dominica)