Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Huh, que es que?

  Parolas similar pote esser confundite.

porta/porto: Le porta es necessari, si on vole entrar in o exir de un casa. Le porto es un station de arrivar del naves – ma illo anque es le timbros usate pro pagar pro le expedition de litteras (porto postal).

secunda/secunde/secundo: Un secunda es un parte de un minuta (60 secundas face un minuta). Le secunde persona es persona numero duo. Secundo (conforme a) le informationes al station, le traino veni in dece minutas.