Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Intervallos

  Un periodico es typicamente un magazin que appare con certe intervallos temporal – on pote dicer in periodos. Intervallos temporal es anque usate in per exemplo le inseniamento (scholas, universitates etc.).

Un anno consiste de 12 (dece-duo) menses. Typicamente on paga su abonamento de un magazin pro un anno, un abonamento annual. Panorama appare omne duo menses e assi es un magazin bimestral (le prefixo bi- significa duo). Il ha magazines que appare omne tres menses (appellate un trimestre) e assi es trimestral.

In le mundo educational on parla de semestres. Isto es typicamente un saison (semestre = sex menses), isto significa un parte del anno. Le prime semestre assi va de julio-augusto al fin del anno; le secunde semestre va del initio del anno al estate. Le alumnos seque le scheda semestral.