Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Le calendario

Le anno consiste de 12 (dece-duo) menses:

januario
februario
martio
april
maio
junio
julio
augusto
septembre
octobre
novembre
decembre

Nota que le nomines del menses sempre comencia per un minuscula, isto es un parve littera.

Alcun menses ha 30 dies, alteres ha 31, e februario solmente ha 28 dies, excepte durante un anno bissextil, ubi illo ha 29 dies; isto occurre omne quatro annos, con certe exceptiones.

Le anno es dividite in quatro saisones (saison es pronunciate in maniera francese, ma in plural on audi clarmente le -es final). Il es possibile dicer anque stationes in vice de saisones. Le quatro saisones es:

primavera
estate
autumno
hiberno

Anque le saisones es scribite con minuscula, isto es un parve littera initial.