Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Le die in le data

  Le maniera correcte de scriber datas in interlingua es le sequente:

[nomine del die] le [die] de [mense] [anno]

Nota que on non debe scriber le articulo definite ante le nomine del die:
venerdi le ... (non: le venerdi ...)

Le die es sempre le cifra cardinal:
le 12 (le dece-duo), le 3 (le tres), le 30 (le trenta).

Solmente le prime usa le numero ordinal: le 1 (le prime) – ma il es permittite pronunciar lo como le cifra cardinal: le 1 (le un).

In total:

venerdi le 1 de januario (le prime/un)
jovedi le 6 de martio (le sex)
sabbato le 14 de julio (le dece-quatro)
dominica le 28 de februario (le vinti-octo).