Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Un mantello – ante toto

  Un error multo frequente es, quando on misce le parolas supertoto (in un parola) e super toto (in duo parolas). Le differentia totevia es grande. Un supertoto es un mantello longe; illo va super tote le corpore e lo coperi pro proteger lo contra frigido e pluvia. Le expression super toto significa "ante tote altere cosas": Io apprecia super toto tu roba.