Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Nomines de insulas

  Le nomines de insulas in interlingua es generalmente exprimite sin usar un de. Le nomine veni directemente post le Insula(s), e anque adjectivos es notate directemente post le Insula(s). Solmente quando le nomine del insula include un parola normal que ha devenite un nomine, on insere un de:

• le Insulas Bermuda, le Insulas Falkland, le Insulas Galapagos, le Insulas Hawaii, le Insulas Normanne, le Insulas Virgine
   
• e: le Insulas Caribe, le Insulas Canari, le Insulas Feroe, le Insulas Ionie
   
• ma: le Insula de Capo Breton, le Insula de Man, le Insula de Pascha, le Insula del Kangurus, le Insula del Nord, le Insulas del Capo Verde.