Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Paginas abbreviate

  In magazines e jornales on sovente ha referentias del prime pagina a articulos in le interior del publication. Alora on indica le pagina sur le qual se trova le articulo in question. Si on refere a solmente un pagina, on abbrevia le parola "pagina" assi: p., p.ex. Lege plus sur p. 23. Si on refere a plure paginas, le abbreviation es pp. (ma sempre pronunciate "paginas"): Lege plus sur pp. 22-23. Le libro ha 134 pp. A5.