Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Plus super le annos

  Evita scriber anno ante le cifras indicante le anno: Ille nasceva in 1965. Le 14 de julio 1789. Solmente quando on parla del annos 0 a 100 plus le millennios, on sole adder anno: Jesus Christo nasceva in anno 0. In anno 2000 nos entrava in un nove millennio.

Nota que le anno es indicate sin le articulo definite: Illo se data de 1950 (o eventualmente pro precisar justo iste anno: del anno 1950), ma non "del 1950".

Parlante del decennios, on simplemente adde le -s plural al decennio: Ille es un homine in le septantas (scribite: le 70s – sin apostrophe, colon o simile). Durante le 1980s (pronunciate: dece novem octantas) le hiberno esseva frigide. Isto occurreva in le 1960s (= in le periodo 1960-1969).