Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Selige un stilo de interlingua

  Interlingua offere in plure casos duo differente parolas pro le mesme notion, eventualmente duo differente formas. Isto es natural, proque interlingua seque le linguas fonte. Isto significa que il pote haber formas plus latin/ancian e formas plus romanic/moderne. Le bon consilio es seliger su stilo e assi non saltar inter le duo typos. Isto da un linguage plus elegante e consistente (e comprensibile a prime vista).

Ecce un mini-lista de tal parolas:

Moderne Ancian
ci hic
la illac/ibi
ora nunc
anque etiam
ma sed
alcun, qualcun alicun
alcuno, qualcuno alicuno
qualcosa alique
necun nulle
necuno nemo
totevia tamen
dunque ergo
poc pauc
poco pauco
un poco un pauco
troppo nimis
durante que dum
sovente subinde
proxime/vicin a juxta
excepte salvo
presso apud
proque nam
post que postquam
tote omne
pois, alora postea
ja jam
sempre semper
jammais unquam
non ... jammais nunquam
assatis satis
sposa uxor
developpar disveloppar
analyse analysis
un vice olim