Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Vocabulario pro technologia

  Le technologia es parte del vita quotidian – e sempre plus. Ecce un serie de parolas relevante in interlingua:

  • app sb (pl apps – un abbreviation de application) un programma pro le telephono mobile
  • bit sb (pl bits) (A), bits per secunda (bps)
  • blog sb un diario digital sur le internet
  • blogger sb (A) le persona qui scribe le diario digital, le autor de un blog
  • byte sb (pl bytes) (A) [bait]
  • cliccar vb initiar un function sur le schermo per activar un button de un mus
  • computator sb un machina pro tractar e rediger materiales digital
  • contrasigno sb un codice secrete que on debe scriber, vicin a su nomine de usator, pro entrar in un sito o un servicio
  • copiar vb multiplicar
  • cursor sb le marcator intermittente que monstra le position in un documento sub redaction
  • cyberattacco sb attacco de criminales contra un computator o infrastructura digital
  • datos vb, pl le informationes digital, banco de datos
  • decodar, decodificar vb le opposite de codar/codificar pro facer legibile le datos
  • discarga sb le processo de facer un copia local de qualcosa ab le internet
  • discargar vb prender datos ab le internet
  • disco dur sb le magazin digital de un computator o telephono mobile
  • dossier sb (F) [dosie] un archivo pro materiales digital
  • duration del batteria sb
  • e-posta sb message digital (identic con e-mail (A) [i:meil], posta electronic; inviar un e-posta/e-mail; adresse de e-posta/e-mail
  • file sb (A) [fail] un documento, photo, pecia de musica etc. in un computator o un telephono mobile
  • impressor sb machina per le qual on imprime un texto sur le schermo sur papiro
  • inserer vb adder a un puncto specific
  • mus sb utensile pro manovrar sur le schermo
  • navigator sb programma pro consultar le internet
  • nomine de usator sb le (non-secrete) nomine pro su conto pro acceder un servicio
  • portabile sb (o: computator portabile)
  • rete sb synonymo pro le internet
  • schermo sb [sk-] apparato pro monstrar imagines
  • sito sb le contento de un adresse de internet; sito web
  • smartphone sb (A) [smartfou:n] telephono mobile con functiones como apps
  • tabletta sb un mini-computator in forma de un schermo platte
  • taliar vb secar via, remover
  • telephono mobile sb un telephono transportabile sin filo/cablo
  • URL; adresse ~ sb le adresse de un sito in internet
  • usator sb le persona qui usa un machina o un servicio
  • velia sb un somno legier; mitter su computator in (stato de) velia
  • zippar vb comprimer un file o un dossier a un grandor minor
  • zoom; facer ~ (plus grande) aggrandir, (minus grande) diminuer