Le Union Brasilian pro Interlingua (UBI) ha eligite nove presidente e nove secretario.

Emerson "Ensjo" José Silveira da Costa, 36 annos, ha devenite nove presidente post Gilson Passos. Ille esseva de julio 1999 usque le 1 de januario 2006 vice-secretario del Union Mundial pro Interlingua e es hodie aranea assistente del sito del UMI in Internet, www.interlingua.com.

Como nove secretario post Paulino José de Moraes esseva eligite André Luis Lopes Rezende, 23 annos e studente de pedagogia. Ille travalia in un museo touristic e es comenciante in interlingua ma multo interessate de laborar activemente pro le diffusion del lingua.

Ramiro B. de Castro, 45 annos, continua como le tresorero del UBI. Ille es officiero public de tribunal e esseva de 1993 a 1999 le vice-secretario del UMI.