Interlingua como le lingua commun del Union Europee ha essite discutite in un serie de litteras de opinion in le svedese jornal quotidian regional, Hallands Nyheter. Inter le 16 de novembre e le 2 de decembre ha essite publicate in toto cinque litteras de lectores, qui discute le avantages de un lingua auxiliar. Le avantages de interlingua ha essite presentate. I.a. on ha sublineate le facto que interlingua non es le lingua materne in ulle pais e es facile pro europeos. Anque le viages e communication plus facile plus le costos minor de traducer conta al lista positive.
