Dictionarios e cursos electronic de interlingua es un nove section al servicio del visitatores de www.interlingua.com.

Per le navigation a sinistre il es ora facile trovar materiales in le linguas national pro studiar e apprender interlingua - o ameliorar su usage del lingua. Le section e le navigation es dividite secundo le linguas, assi que on facilemente trova le materiales a disposition.

Il ha ja plure dictionarios, certes usabile directemente per www.interlingua.com, alteres a discargar (typicamente in le formato PDF que pote esser aperite per omne computatores gratias al programma gratuite Adobe Reader). Nove dictionarios es expectate addite al section tosto.

Cursos con audio

Le cursos consiste de material in scripto e - a vices - con audio, assi que on pote ascoltar le pronunciation. Le files in formato MP3 pote esser discargate, assi que on pote ascoltar los, quando on ha tempore, per exemplo durante promenadas o al via a e ab labor.

Un plus grande numero de dictionarios, cursos/manuales e grammaticas pote esser comprate del boteca in-linea del Servicio de Libros UMI.

Le breve presentation de interlingua in un longe serie de linguas national se trova sempre in le pagina Info national al summitate de omne paginas.