In le initio de septembre, le porta le plus importante a interlingua in Internet, www.interlingua.com, habeva essite visitate 150.000 vices. Le sito esseva relanceate in januario 2006. Le 100.000 visitas esseva attingite in februario iste anno. Le sito contine novas e sempre plus de material pro juvenes e adultos, i.a. un sempre crescente bibliotheca electronic in interlingua con gratuite e-libros in formato PDF.

Le sito continua esser developpate. Secundo le plano, plus de material audio e video va esser includite in le futuro.