Le proxime incontro de interlingua pro omne interessatos in Göteborg in Svedia del west es le 4 de decembre a 18.30 horas.

Le incontros ha durante plure annos essite arrangiate le prime mercuridi de cata mense. In iste saison, le location es Blue Chip Café, Vegagatan 1 in le centro. Interessatos de interlingua se reuni pro conversar in e super le lingua in un ambiente agradabile. A vices on anque canta in interlingua. Omnes es benvenite.

On pote annunciar su participation a Barbara Rubinstein, membro del consilio del Societate Svedese pro Interlingua, al adresse information@interlingua.nu.