Le Societate Svedese pro Interlingua ha appunctate un tresorero assistente.

Esko Kangas, ingeniero e membro del SSI durante multe annos, essera responsabile pro le contos del SSI ab le 1 de januario 2008. Ille assi supporta Mats Fredmark, qui ultra esser tresorero del SSI anque prende cura del fundation Stiftelsen för Interlingua. Iste labor total es troppo grande, e pro isto un tresorero assistente esseva appunctate.

Esko Kangas habita in Jönköping e ha participate in plure conferentias international de interlingua e incontros nordic de interlingua. Ille ha inseniate interlingua in cursos in Jönköping, scribe in Internet in Finlandia e ha laborate ben pro facer interlingua mentionate in le radios regional e local.