Ora on pote inscriber se pro le 11-me incontro nordic de interlingua e le cursos intensive de interlingua in Svedia in le fin de julio.

Discarga le scheda de inscription in iste pagina, plena lo, e invia lo per posta ordinari (e con signatura) al co-tresorero del Societate Svedese pro Interlingua, que organisa le incontro in collaboration con le organisationes national de interlingua in Norvegia, Danmark e Finlandia. Il es importante que on face su reservation si tosto como possibile, e que on paga le amonta de participation ante le 30 de maio.

Le precio pro participar in le curso pro comenciantes o in le curso de conversation pro plus experientiates es 1.330 coronas svedese. Iste precio include un camera singule e tote le repastos. Si on vole sojornar in un camera duple, le precio cade a 1.190 coronas svedese. Le cursos comencia mercuridi le 30 de julio a 12 horas con lunch e fini venerdi le 1 de augusto a 12 horas con lunch.

On pote anque participar in le incontro solmente. Illo va de venerdi le 1 de augusto immediatemente post le lunch usque a dominica le 3 de augusto a 12 horas con lunch. Le precio es 1.200 coronas svedese in camera singule o 1.060 coronas svedese in camera duple, de novo con le repastos includite.

Si on desira participar in e le curso e le incontro, le precio es solmente 2.530 coronas svedese in camera singule o 2.250 coronas svedese in camera duple.

Omne membros del Union Mundial pro Interlingua (UMI) es cordialmente benvenite.

  

Lege anque Conferentia nordic con cursos intensive de interlingua in julio 2008