Tosto il essera possibile comprar audiolibros e e-libros in interlingua per www.interlingua.com.

Un boteca de materiales electronic es sub construction. Illo continera files audio in formatos MP3 e OGG plus e-libros in formato PDF. Le audiolibros pote esser ascoltate al computator o transferite a un lector MP3, assi que on pote ascoltar los durante transporto in le auto, le traino o le autobus. Le e-libros pote esser legite sur le schermo o esser imprimite sur papiro, si on lo prefere.

Un serie de libros e textos es sub preparation. I.a. on potera ascoltar le amusante "Celestina le gallina del vicina e Hanniballo le gallo del vicino" e duo cognoscite contos per Hans Christian Andersen, "Agreste" e "Le porchero" - mesmo con musica!