Le porta le plus importante a interlingua in Internet, www.interlingua.com, celebrava in februario visitator numero 200.000.

Le sito del Union Mundial pro Interlingua esseva relanceate in januario 2006. Le prime 100.000 visitas esseva attingite in februario iste anno, e visita numero 150.000 arrivava in le initio de septembre. www.interlingua.com contine novas e sempre plus de material pro juvenes e adultos, i.a. un sempre crescente bibliotheca electronic in interlingua con gratuite e-libros in formato PDF. Sondages, presentation del libro del mense, calendarios a imprimer etc. anque es offerite, e le Servicio de Libros UMI vende un large selection de libros e publicationes in interlingua del adresse www.interlingua.com/libros, ubi on pote pagar per carta de credito. Il es anque possibile pagar directemente un abonamento al magazin official del UMI, Panorama in interlingua, que appare omne duo menses con novas international. Panorama es totalmente in interlingua.

www.interlingua.com continua esser developpate. Plus de materiales, anque audio e tosto mesmo video, es addite currentemente.