Omne abonatos a Panorama in interlingua, le magazin de novas del Union Mundial pro Interlingua (UMI), obtene con cata edition extra avantages.

In cata edition es publicate un adresse de Internet e un contrasigno. Assi le abonatos pote entrar e discargar varie materiales extra in e super interlingua. In le edition januario-februario le abonatos obtene un breve comedia pro theatro de marionettes, "Le catto con le bottas", como e-libro; illo pote esser legite sur le schermo. In ultra, il ha un interessante tapis pro le schermo computatorial con un belle texto in interlingua, e il ha duo breve historias super le stupide molbos danese, registrate in interlingua.

Nove avantages extra va sequer con cata edition de Panorama. Un abonamento annual (sex editiones, in toto 168 paginas totalmente in interlingua) costa solmente 15 euros. Ordina un abonamento ci.