Le curso gratuite de interlingua in le capital danese continua post le vacantias estive.

In septembre comencia assi le 17me saison con le si-appellate Vesperes de Interlingua, ubi interessatos se incontra pro parlar in e super interlingua. Le secretario del Union Danese pro Interlingua, Thomas Breinstrup, es instructor, e omnes es benvenite. Le participation es gratuite, totevia on paga cinque coronas pro le caffe e the pro assi supportar le labor pro interlingua.

Le idea es apprender interlingua per leger textos e conversar. Grammatica, vocabulario e exercitios es parte del inseniamento.

Le ultime martedi de cata mense de septembre a maio il ha Vesperes de Interlingua inter 19 e 21 horas a Sølvgades Skole, post minutas de ambular del station le plus usate in Copenhagen. Il non ha ancora essite decidite, si on va continuar inseniar anque le antepenultime martedi de cata mense.

Le participantes es in omne etates.

Omnes, qui desira participar, pote inviar un message al Union Danese pro Interlingua (adresse: info@interlingua.dk). Quando le data se approxima, on es rememorate de illo.