Novas actual, musica, plus super le incontro nordic de interlingua - e un narration personal de esser in un huracan. Isto es lo que on i.a. pote audir in le secunde emission de Radio Interlingua.

UMI  Le secunde emission de Radio Interlingua pote ora esser ascoltate.

In le nove programma, on pote audir plus super le 11e Incontro Nordic de Interlingua in Svedia le 28 de julio al 3 de augusto, quando le redactor del radio, Péter Kovács, continua su serie de interviews. Le emission anque presenta un ver historia amusante super le eventos durante le huracan svedese como Bengt Enqvist, le vice-presidente del Societate Svedese pro Interlingua, los experientiava. Finalmente, le redactor del Panorama in interlingua, Thomas Breinstrup, presenta le novas le plus actual de interlingua.

Radio Interlingua recomenciava in augusto post quasi dece annos. Illo presenta nove programmas circa cata mente, assi que on pote audir como interlingua es un lingua in plen flor e multo vivente, gratias al multe voces qui participa in le labor.

Le secunde emission dura circa 24 minutas.

Visita Radio Interlingua e ascolta directemente le emissiones, o discarga los pro tu sonator MP3.

Lege anque:
Benvenite a Radio Interlingua
Radio Interlingua retorna

Radio Interlingua