Le dictionario le plus grande inter francese e interlingua es un realitate, gratias a ... un nederlandese.

UMIDictionario francese-interlingua  Con su 51.000 parolas, le nove "Dictionario Francese-Interlingua" es le dictionario le plus grande que ha apparite in francese.

Piet Cleij, le vice-secretario dynamic del Union Mundial pro Interlingua (UMI), ha justo publicate le prime edition del enorma "Dictionnaire Français-Interlingua". Le 450 paginas A4 appare in un volumine e costa 25 euros + le porto postal.

In le curso del 57 annos passate il ha habite plure dictionarios minor e vocabularios minor pro francophonos, le plus cognite es le "Dictionnaire Français-Interlingua" per Jacques Roux, le tertie edition del qual appareva in 1993. Ora le francophonos ha un obra extense que se basa non solmente super le "Interlingua-English Dictionary" (IED), le fundamento de interlingua, ma anque super le "Lista supplementari" in le qual Piet Cleij - qui es professor emerite de i.a. francese - ha registrate circa 25.000 altere parolas international non trovabile in le IED.

Le dictionario francese appare poc septimanas post que le grande dictionario interlingua-nederlandese in duo volumines appareva, anque per Piet Cleij.

Compra le "Dictionnaire Français-Interlingua" per Lulu.com

Lege anque:
Enorme dictionario ha apparite
Le direction del UMI