Iste vice le abonatos de Panorama recipe tres contos favorite e un lotteria de picturas in interlingua.

Tres contos favorite  Tres contos favorite e un amusante lotteria de picturas in interlingua pro tote le familia es le Extras, que abonatos del magazin Panorama in interlingua recipe con le edition septembre-octobre.

Le ex-secretario general del Union Mundial pro Interlingua, Petyo Angelov, presenta tres favoritos litterari in un e-libro, que pote esser discargate gratuitemente. Le abonatos recipe le adresse e le contrasigno besoniate pro acceder le material Extra. Le tres contos se appella "Le turco", "Pote io parlar con Nina?" e "Io non comprende" e es surprendente e a vices amusante.

Tote le familia pote participar e apprender interlingua per jocar le lotteria de picturas que anque es un Extra al abonatos. On pote secar le folios con illustrationes in colores e debe alora cercar le texto correcte pro le illustrationes.

On pote devenir abonato al Panorama in interlingua ci. Le precio pro sex editiones - 168 paginas - es 15 euros.

Extras del passate menses ha comprehendite tapises pro le computator, audio con varie contos, le manuscripto al "Gladiator" etc.