Le dictionario le plus grande in ulle lingua scandinave ha finalmente apparite.

UMI  Le enorme dictionario svedese-interlingua per Pian Boalt con 93.000 entratas e expressiones finalmente veni in un version sur papiro.

"Stora svensk-interlingua ordboken" (Grande dictionario svedese-interlingua) que es le titulo official, esseva troppo grande pro esser publicate, quando illo ante cinque annos esseva preste. Le Societate Svedese pro Interlingua (SSI) ha ora publicate lo in un version de 728 paginas A4 con tres columnas. Le costo inclusive porto postal es 34,36 euros. Un version in formato A5 in duo volumines venira tosto.

Pian Boalt es ex-redactor del casa editorial Stora Focus.

Le dictionario es le absolutemente plus grande in le tres linguas scandinave multo similar (danese, norvegiano e svedese).

Compra le dictionario svedese-interlingua directemente de Lulu.com